ترمب قاعد وميلانيا بتصب له كاس
والكلب ربيو كان نايم جنب الشاشة
متوجهة .. على الكريبى وعلى كراكاس
فيها سيليا ومادورو أبن أبو نيكولاس
ترمب قال دا فيلم كأيب عايز أكشن
زى اللى حاصل من بوتن
لما أخد اقليم دونباس
ربيو قام هز له ديله
وخرج من البيت الأبيض
ومعاه كلاب بيضا وسودا
ومرقطة وحبة حُراس
الشاشة قلبت على واحد
كان أسمة دوقدوق صبى عالمة
كُنا بنسمية خباص
أعطاهم المفتاح وأدوه
لفتين بانجو وكوكاين
يحطهم فى دولا ب نيكولاس
دخلوا وقالوله
يلا تعالى يا مادورو ضبط واحضار
لما سئلهم أنتم مين
قالوا من حقق تسكت ولا تتكلم
هانسلمك ومعاك الحِرز .. وفيه أسرار
قام قالهم هاتسلموا مين
هانسلمك لأبو افنكا
رئيس مباحث كوكبنا .. من غير دبابير
عينة كما الصقر الجارح .. من غير مناظير
ليه مرشدين ونضورجية .. وعفاريت بتطير
يجيبو له أى خبر كاذب
ويلبسوك أى قضية مدفونة فى بير
كوكاين حشيش أو ماريجوانا ..لو تقدر طير
عنده كلب ومتدرب على هذا النوع
وملوش مناخير
بص للكاميرا وقاله .. قول عايز يأبو أفنكا
ضحك وجاب أخرة من الضحك
وقاله بترولكم ياكبير
شعر / محمد رمضان
