أخبار تهمكالرئيسيةخدماتفن وثقافات
الفجر صعب المراس يا قبضة الخيال.. القصيدة التي سجنت الأبنودي فى سجون جمال عبد الناصر
الفجر صعب المراس يا قبضة الخيال
يا ثورة لا ليها عم ولا أخو ولا خال
قدرك وطن يشتري الوطنية بالأموال
وأنا قدري أحلم بصوتك وبدوام الحال
وبيوم يملوا الكبار الفرجة ع الأطفال
أنا حلو في الشاشة في الجرنان لكن ظلي
تقيل .. يا أمة بمأساتي بتتسلي
للسادة شاي سادة وأنا دمي اللي بيحللي
وكل يوم قطرة قطرة الدم بيسرسب
مستني إيه يا وطن؟ لما أغيب كلي!
بتدفعوا المال خلاص ذمة ده ولا كذا
معاكوا أموال تنسي الباكي طعم بكاه
وتقتلوا في الضمير الفجر أي حياه
أبرد من التلاجة يا دمنا العربي
مأساتي مش من عدوي ..أنتم المأساه
الشاعر عبد الرحمن الأبنودي
